АГУУЕХЭ БАТОЖАБАЙН НЭРЭМЖЭТЭ "ТЕАТРАЛЬНА ХАБАР"
Алдарта уранзохёолшо, драматург, кинозохёогшо Даширабдан Батожабайн нэрэмжэтэ “Театральна хабар” урилдаан ХХХV жэлээ энэ оной апрелиин 23-24-дэ боложо үнгэрбэ. Энэ удаа юуниинь hонин байгааб гэхэдэ, Буряад Уласай Түнхэнэй аймагай Хэрэнэй арадай театр Т.Миннулинэй “Үлгын дуун” зүжэг асараа, Үбэр-Байгалай хизаарай Үлеэтын арадай театр М.Зощенкын рассказуудаар зохёогдоhон “Всё может быть” гэжэ зүжэг харуулба. Аяар холоhоо зорижо ерэhэн Түнхэнэй артистнууд hүрхэйхэн гоёор наадана, театр хаража байhанаа мартажархихоор, нээрээhээ боложо байhан үйлэ мэтээр харагшадай үнэншэмэ бэрхээр, талаан бэлигтэйгээр зүжэгтэ наадана. Үлетын театр байгуулагдаhаар 85 жэлэй ой мүнөө жэлдэ баярай оршондо тэмдэглэхэ юм. Үлетынхидэй наадахые hайхашаажа, гоёшоожо хараабди. Артистнууд наадахадаа тэрэ сагай хубсаhа үмдэнхэйнүүд, тэрэ сагай патефон табяад дуулуулхадань гайхамаар байгаа. Бултадаа жэгдэ бэрхээр, нэгэдэжэ, ниилэжэ наадана. Үгэеэ хүнгэхэнөөр андалдана, хатархыень харахада гоё гээшэнь. Харагшадай сэдьхэл эзэлээд, агшан зуурашье анхаралыень алданагүй, бултадаа шадамар бэрхээр, урматай гоёор наадана. Үлетын арадай театрай артист Гарковенко Анатолий Григорьевичтэ эрэ хүнэй роль эгээн бэрхээр наадаба гэhэн шагнал барюулхадань, харагшад халуун альга ташалгаар дэмжэжэ байгаа бэлэй. Арадай театрнуудай дунда Агын арадай театр “Шэдитэ эм” гэжэ зүжэг табяад, Нэгэдэхи шатын дипломдо, Хэрэнэй арадай театр “Үлгын дуун” зүжэгөөрөө мүн лэ Нэгэдэхи шатын дипломдо хүртэбэ. Хоёр театрнуудай артистнууд адли тэгшэ талаан бэлигтэй, хүсэн эршэнь тэнсэмэ уран бэрхэнүүд гэжэ шүүгшэд шиидхэбэ гээшэ. Үлетын арадай театр “Всё может быть” зүжэг табижа (режиссер Галина Жукова) Хоёрдохи шатын дипломдо хүртэбэ, Дульдаргын “Аяг” арадай театр “Инаг дуран хүгшэрдэггүй” гэжэ зүжэг харуулаад (режиссер Доржо Димчиков), Гурбадахи шатын диплом абаба. Хүдөөгэй арадай театрнууд соо Аргалиин “Жаргал” арадай театр Цырегма Сампиловагай зохёоhон “Хамагдаhан хуби заяан” (режиссер Дарима Цыренова) Нэгэдэхи шатын диплом абаба, Будаланай арадай театр “Амин хайрата Буряадни” зүжэг (реж. Бато Сультимов) хоёрдохидо, Зүдхэлиин арадай театр “Шүдхэртэй сүндүүг” (реж.Баира Дугаржапова) гурбадахи hуури эзэлбэ. Драматическэ бүлгэмүүдэй дунда Нэгэдэхи шатын диплом хэндэшье үгэбэгүй. Сагаан-Шулуутайн бүлгэмэй артистнууд хоёрдохидо, Үзөөнэй “Магтаал” бүлгэмэйхид гурбадахи hуури эзэлбэд. Сагаан-Шулуутайн артистнууд соо хоёрдохи классай hурагша Жаргал Раднаев "Үншэн хүбүүнэй" роль наадаад, "Дебют года" гэжэ шагналда хүртэбэ. Томо болоhон Үншэн хүбүүе 8-хи классай hурагша Алдар Жаргалов надаба. Режиссер Содномова Туяна Владимировна үхибүүдые театрта дурлуулжа, эхэ хэлэндэнь hургажа байхадаа ехэ буянтай хэрэг хэжэ байна гээшэ.
Алдарта уранзохёолшо, драматург, кинозохёогшо Даширабдан Батожабайн нэрэмжэтэ “Театральна хабар” урилдаан ХХХV жэлээ энэ оной апрелиин 23-24-дэ боложо үнгэрбэ. Энэ удаа юуниинь hонин байгааб гэхэдэ, Буряад Уласай Түнхэнэй аймагай Хэрэнэй арадай театр Т.Миннулинэй “Үлгын дуун” зүжэг асараа, Үбэр-Байгалай хизаарай Үлеэтын арадай театр М.Зощенкын рассказуудаар зохёогдоhон “Всё может быть” гэжэ зүжэг харуулба. Аяар холоhоо зорижо ерэhэн Түнхэнэй артистнууд hүрхэйхэн гоёор наадана, театр хаража байhанаа мартажархихоор, нээрээhээ боложо байhан үйлэ мэтээр харагшадай үнэншэмэ бэрхээр, талаан бэлигтэйгээр зүжэгтэ наадана. Үлетын театр байгуулагдаhаар 85 жэлэй ой мүнөө жэлдэ баярай оршондо тэмдэглэхэ юм. Үлетынхидэй наадахые hайхашаажа, гоёшоожо хараабди. Артистнууд наадахадаа тэрэ сагай хубсаhа үмдэнхэйнүүд, тэрэ сагай патефон табяад дуулуулхадань гайхамаар байгаа. Бултадаа жэгдэ бэрхээр, нэгэдэжэ, ниилэжэ наадана. Үгэеэ хүнгэхэнөөр андалдана, хатархыень харахада гоё гээшэнь. Харагшадай сэдьхэл эзэлээд, агшан зуурашье анхаралыень алданагүй, бултадаа шадамар бэрхээр, урматай гоёор наадана. Үлетын арадай театрай артист Гарковенко Анатолий Григорьевичтэ эрэ хүнэй роль эгээн бэрхээр наадаба гэhэн шагнал барюулхадань, харагшад халуун альга ташалгаар дэмжэжэ байгаа бэлэй. Арадай театрнуудай дунда Агын арадай театр “Шэдитэ эм” гэжэ зүжэг табяад, Нэгэдэхи шатын дипломдо, Хэрэнэй арадай театр “Үлгын дуун” зүжэгөөрөө мүн лэ Нэгэдэхи шатын дипломдо хүртэбэ. Хоёр театрнуудай артистнууд адли тэгшэ талаан бэлигтэй, хүсэн эршэнь тэнсэмэ уран бэрхэнүүд гэжэ шүүгшэд шиидхэбэ гээшэ. Үлетын арадай театр “Всё может быть” зүжэг табижа (режиссер Галина Жукова) Хоёрдохи шатын дипломдо хүртэбэ, Дульдаргын “Аяг” арадай театр “Инаг дуран хүгшэрдэггүй” гэжэ зүжэг харуулаад (режиссер Доржо Димчиков), Гурбадахи шатын диплом абаба. Хүдөөгэй арадай театрнууд соо Аргалиин “Жаргал” арадай театр Цырегма Сампиловагай зохёоhон “Хамагдаhан хуби заяан” (режиссер Дарима Цыренова) Нэгэдэхи шатын диплом абаба, Будаланай арадай театр “Амин хайрата Буряадни” зүжэг (реж. Бато Сультимов) хоёрдохидо, Зүдхэлиин арадай театр “Шүдхэртэй сүндүүг” (реж.Баира Дугаржапова) гурбадахи hуури эзэлбэ. Драматическэ бүлгэмүүдэй дунда Нэгэдэхи шатын диплом хэндэшье үгэбэгүй. Сагаан-Шулуутайн бүлгэмэй артистнууд хоёрдохидо, Үзөөнэй “Магтаал” бүлгэмэйхид гурбадахи hуури эзэлбэд. Сагаан-Шулуутайн артистнууд соо хоёрдохи классай hурагша Жаргал Раднаев "Үншэн хүбүүнэй" роль наадаад, "Дебют года" гэжэ шагналда хүртэбэ. Томо болоhон Үншэн хүбүүе 8-хи классай hурагша Алдар Жаргалов надаба. Режиссер Содномова Туяна Владимировна үхибүүдые театрта дурлуулжа, эхэ хэлэндэнь hургажа байхадаа ехэ буянтай хэрэг хэжэ байна гээшэ.