17778СССР-эй ТАМИРАЙ МАСТЕР АЮР ЦЫРЕНДОРЖИЕВАЙ ШАНГАЙ ТҮЛӨӨ БУРЯАД БАРИЛДААГААР ЭДИРШҮҮЛЭЙ МҮРЫСӨӨН
СССР-эй бүхэ барилдаагаар тамирай мастер Аюр Цырендоржиевай шангай түлөө буряад барилдаагаар 15 наһа гүйсөөдүй эдиршүүлэй мүрысөөн энэ оной октябриин 11-дэ болобо. Гурбадахияа болоһон мүрысөө харахаяа, буряад барилдаанда анхан барилдаһаншье хүнүүд, барилдаа хараха дуратайшуул, барилдаха гэжэ жүдхэжэ байһан эдир хүбүүд “Бүргэд” үргөөдэ сугларбабди. Энэ мүрысөөниие һанамжалжа, 2023 ондо Зүдхэлидээ түрүүшын барилдаае эхилһэн Аюр Цырендоржиев Дарима Михайловна хани нүхэртэеэ Хабаровскһаа ерээ юм. Анда нүхэдынь Улаан-Үдэһээ, Шэтэһээ, Дульдаргаһаа ерэһэн байна. Барилдаанда дуратайшуул шангаар хашхаралдана, ямар бэ даа зүбшэл үгэнэ. Барилдаашадай ба харагшадай нюдэдынь ялалзана, нюурнуудынь баяраар халиһан харагдана. Барилдажа байһан хүбүүдэй, хэниинь илагданаб, баһал голхорһон нюурынь хараад хайрлахаар байгаа һэн. Буряад малгайтай, томо нюдэтэй ород шарайтай хүбүүе һонирхоод, асуудал табибаб. Родион Светличный нэрэтэйб гэбэ. Забайкальскһаа зургаан хүбүүд ерээбди, би барилдаад, диилдээб гэжэ хэлэбэ. Дахин ерэхэ гүш буряад барилдаанда гэжэ һурахадам, заабол ерэхэб гэжэ тэрэ хүбүүн хэлэбэ. Зоригто Батуев хүбүүнһээ ши Буряад Уласай али нютагайбши гээд асуухадам, Та яагаад мэдэнэбтэ гээд сэбэр буряадаар асууба. Хаанахибши гэхэдэм Захааминай Ехэ-Харцай нютагайб. Эндэ Санжа нагасындаа байгаад, һургуулида һуранаб, барилдаанай бэлэдхэлдэ энэ “Бүргэд” тамирай комплексдэ ерэдэгби гэжэ тэрэ харюусаба. Зоригто хүбүүн холын хараатай, илалта туйлаха эрмэлзэлтэй хүн байба. Буряадаар хөөрэлдэхэдэнь ехэ баясааб. Ара таладам һууһан үбгэд барилдааша хүбүүдые хараад: “Энээхэн хүбүүн тэрэ барилдаашанай (нэрэ нэрлэнэ) аша хүбүүн гээд хажуудахидаа хэлэнэ. Бүхэ барилдаха эрмэлзэл хүбүүдэй шуһан соо байна гээшэ ха гэжэ ойлгооб.
СССР-эй бүхэ барилдаагаар тамирай мастер Аюр Цырендоржиевай шангай түлөө буряад барилдаагаар 15 наһа гүйсөөдүй эдиршүүлэй мүрысөөн энэ оной октябриин 11-дэ болобо. Гурбадахияа болоһон мүрысөө харахаяа, буряад барилдаанда анхан барилдаһаншье хүнүүд, барилдаа хараха дуратайшуул, барилдаха гэжэ жүдхэжэ байһан эдир хүбүүд “Бүргэд” үргөөдэ сугларбабди. Энэ мүрысөөниие һанамжалжа, 2023 ондо Зүдхэлидээ түрүүшын барилдаае эхилһэн Аюр Цырендоржиев Дарима Михайловна хани нүхэртэеэ Хабаровскһаа ерээ юм. Анда нүхэдынь Улаан-Үдэһээ, Шэтэһээ, Дульдаргаһаа ерэһэн байна. Барилдаанда дуратайшуул шангаар хашхаралдана, ямар бэ даа зүбшэл үгэнэ. Барилдаашадай ба харагшадай нюдэдынь ялалзана, нюурнуудынь баяраар халиһан харагдана. Барилдажа байһан хүбүүдэй, хэниинь илагданаб, баһал голхорһон нюурынь хараад хайрлахаар байгаа һэн. Буряад малгайтай, томо нюдэтэй ород шарайтай хүбүүе һонирхоод, асуудал табибаб. Родион Светличный нэрэтэйб гэбэ. Забайкальскһаа зургаан хүбүүд ерээбди, би барилдаад, диилдээб гэжэ хэлэбэ. Дахин ерэхэ гүш буряад барилдаанда гэжэ һурахадам, заабол ерэхэб гэжэ тэрэ хүбүүн хэлэбэ. Зоригто Батуев хүбүүнһээ ши Буряад Уласай али нютагайбши гээд асуухадам, Та яагаад мэдэнэбтэ гээд сэбэр буряадаар асууба. Хаанахибши гэхэдэм Захааминай Ехэ-Харцай нютагайб. Эндэ Санжа нагасындаа байгаад, һургуулида һуранаб, барилдаанай бэлэдхэлдэ энэ “Бүргэд” тамирай комплексдэ ерэдэгби гэжэ тэрэ харюусаба. Зоригто хүбүүн холын хараатай, илалта туйлаха эрмэлзэлтэй хүн байба. Буряадаар хөөрэлдэхэдэнь ехэ баясааб. Ара таладам һууһан үбгэд барилдааша хүбүүдые хараад: “Энээхэн хүбүүн тэрэ барилдаашанай (нэрэ нэрлэнэ) аша хүбүүн гээд хажуудахидаа хэлэнэ. Бүхэ барилдаха эрмэлзэл хүбүүдэй шуһан соо байна гээшэ ха гэжэ ойлгооб.