Цæгат Ирыстоны уæй кодтой æбæрæг хæрзхъæддзинадимæ æхсыры продукттæ

Цæгат Ирыстоны дыууæ куыстуаты æнæзакъонæй райдыдтой уæй кæнын бæрæггонд чи не 'рцыд, ахæм æхсыры продукттæ. Хъæууон хæдзарадмæ цæстдарды управенийы специалисттæ рабæрæг кодтой ветеринарон закъонхалды домæнтæ хæлд кæй æрцыдысты, уый. Æхсыры продуктты 1,5 тоннæйы æмæ 3 мин литры æнæ документтæй - ома сæ хæрзхъæддзинад бæрæггонд не рцыд, афтæмæй ауæй кодта иу компани. Иннæ та апарахат кодта 2,5 тоннæйы æхсырæй конд хойраг, ветеринарон-санитарон экспертизæ сын нæ уыд, афтæмæй. Ахæм продукттæ тæссаг сты адæмы цардæн.