Елхоты райдыдтой культурон райрæзты центр аразын

Сфæлдыстадон æрмадзтæ, сывæллæттæн алыхуызон къордтæ, чыныгдон. Елхоты аразынц культурон центр. Бынаты ма скусдзысты музыкалон æмæ нывкæнынады скъолатæ. Дыууæуæладзыгон бæстыхайы фæзуат у 2 мин 500 квадратон метрæй фылдæр. Проектмæ гæсгæ дзы фæзындзæн сценæ æмæ зал 400 бынатимæ. Хъыгдард æнæниздзинадимæ адæмæн дзы сæвæрдзысты хæрдмæ исæн гарз. Хæстæгдæр рæстæг бæстыхаймæ бауадздзысты дон æмæ газ. Центр ифтонггонд æрцæудзæн æппæты нырыкконддæр ифтонгæрзтæй. Саив ын кæндзысты йæ алыварс дæр. Паддзахадон программæ "Хъæуты территориты комплексон райрæзт"-ы фæлгæты куыстытæ фæуыдзысты ацы азы кæронмæ.