Ամռանը մթերքներ գնելիս պետք է առավել զգույշ լինել

Սննդի անվտանգության ոլորտի իրավական դաշտը չի հասցնում զարգանալ այն արագությամբ, ինչ արագությամբ ի հայտ են գալիս զեղծարարությունները, Sputnik Արմենիայի հետ զրույցում ասաց Սննդի անվտանգության տեսչական մարմնի ղեկավար Գեորգի Ավետիսյանը։ Նրա հավաստմամբ` կենդանական ծագման մթերքները (հատկապես փողոցում վաճառվող) անվտանգության տեսանկյունից միշտ խնդրահարույց են։ Եղանակի տաքանալուն զուգընթաց պետք է ուշադրություն դարձնել նաև ջերմային միջավայրերին, մթերքների տեղափոխությանը։ Մսամթերքի շուկայում վիճակը բացարձակ չի գոհացնում, բայց տեսչական մարմինը շարունակաբար իրականացնում է իր վերահսկողական գործառույթները` հայտնաբերելով խանութներ, որտեղ դեռ ուզում են մարդկանց խաբել։