Sina Cəfəri - Çımı sədo

MP3 LİNK https://cloud.mail.ru/public/uAi2/fa7WjXV38 Çımı Sədo Rza Musayev Bıməsənən Çımı sədo: “Çiçım kardə bo Tolışi? Boçi nıbim Amburə do, Boçi nıbim ovşum, Həşi? Okənən çımı zıvoni, Mahaştənən əv lol bıbo. Vətən, bıbaxş ıştə soni, Vıl bim, nıdome vılə bu, Bıqətənən çımı kəşi, Bıbən bı vul, bıbən bə di, Bınovnənən bı Tolişi, bə Tolışi, Vallahi, peşo bəbe di. Mıni bıbənən bə honi, Peşomım çəşasə ovi. Çiç kardəm befərə coni, Bı dardi hardənim tovi. Qəp bıjənən bə Tolışi Zıvonım bol bə, o bıkən. Az bı zıvoni bə vəşim, Yarəynə dıli şo bıkən. Okırnənən çımı quşi, Bıdə pelarzım, kor nıbum. Nıməsom ıştə Tolışi Mıni ğəbul əkəni bum Bıdənən bəmı otǝşi Bıdǝ tojǝ Zərduşt bıbum. Çoy bınovnım bı Tolışi, bǝ Tolışi, Bı roǝdə lu-pus bıbum, Zərduşt bıbum, zər, dust bıbum. Bıqətənən çımı cuşi, Dıyo bıbum, Ləpə bıbum. Babək bıbum, Dasdə şımşi, Bəzzi barzə təpə bıbum. Çǝyo diǝkǝm bə ətrofi, Iştə sinə poǝ-poə bıkəm. Bıvıjnım mordoli, sofi, Iştə zıvoni boə bıkəm. Bısutənən çımı nəşi, Peşandənən çımı xoki Bı Tolışi, bə Tolışi. Ime çı həməysə çoki: İ ruj ijǝn tiji bǝjem, Bəvindeyon, ebətənem. Toğə bəbem, az bebǝşem. Havzǝ bıbu ın Vətənım! Kadusiyon kanali fəaliyəti əniyən ozavziyeş piəkəson ianə karde bəzınen Kadusiyon kanalının fəaliyyətinin dahada inkişafını istəyənlər ianə edə bilərlər 5522 0993 5266 6291 (12/28)