Поэзийы фыццаг æппæтадæмон фестиваль "Осетинская лира"-йы æмбырд ацыд Дзæуыджыхъæуы

Ирон поэзи дунеон литературæйы цавæр бынат ахсы, йæ райрæзтæн цавæр гæнæнтæ ис. Ацы æмæ æндæр ахсджиаг фарстатыл ныхас цыд поэзийы фыццаг æппæтадæмон фестиваль "Осетинская лира"-йы æмбырды. Мадзал снысан кодтой Хетæгкаты Къостайы райгуырды 165 азы бонæн. Номдзыд поэты 50 æмдзæвгæйæ фылдæр ратæлмац кодтой авайраг, цæцæйнаг, уырыссаг æмæ французаг æвзæгтæм. Чиныджы презентаци уыдзæн райсом национ наукон чиныгдоны.