Ултавран сыхламалла

Тимĕр ут сутнине е туяннине çирĕплетекен килĕшĕве çырма ансатрах пулĕ. Малашне çакна патшалăх пулăшăвĕ порталпа усă курса тума пулать. Электронлă мелпе çырнă документ хутпа çырнинчен нимĕнпе те уйрăлса тăмасть, юридици пĕлтерĕшĕпе те вĕсем пĕр танах. АНАСТАСИЯ ЕГОРОВА: «Килĕшĕве электронлă мелпе машин сутакан çырать. Машин сутаканăн харпăрлăхĕнче пулмалла. Тимĕр ут салукра, шыравра е сутма ытти чăрмав пур пулсан çакă килĕшӳ çырнă чухне тӳрех çиеле тухать». Килĕшĕве электронлă мелпе хатĕрлени туянакана ултавран сыхлать. Ăна çырнă хыççăн порталра заявлени ĕлки упранать. Ку машина илекен çине куçарма май памалла. Килĕшĕве электронлă мелпех алă пусаççĕ. Ăна тума ятарлă хушăм пулăшать