Мæскуыйы физикон-техникон институты математикæ æмæ информатикæйы скъолайы директор Андрей Райгородск

Скъоладзауты æмбæлгæ æмвæзадыл бацæттæ кæнын олимпиадæтæм. Республикæйы физикон-математикон лицей-интернатмæ ссыд Андрей Райгородский — бæлвырд наукæтæ чи уарзы, уыдоны 'хсæн æцæг легендæ. Мæскуыйы физикон-техникон институты математикæ æмæ информатикæйы скъолайы директор, Адыгейы паддзахадон университеты кавказаг математикон центры наукон разамонæг. Сæйраг нысан — æрыгон æмæ курдиатджын сывæллæттæн баххуыс кæнын. Хуыздæр суæвын та ис æрмæст фæлтæрдджын разамонæгимæ. Республикæйы ахуыргæнджытæн профессор сарæзта лекци. Радзырдта, сывæллæтты куыд ис сцымыдис кæнæн. Сывæллæттимæ профессор æрдзырдта актуалон проблемæйыл. Æрæмбырд кодтой математикæ арфдæр хуызы чи ахуыр кæны, уыдоны. Зындгонд адæмимæ фембæлдтытæ аразы Уæрæсейы наукæты академийы Дзæуджыхъæуы центр. Нæ специалисттæ æмгуыст кæнынц Уæрæсейы алы регионты ахуыргæндтимæ.