Թուրքիան պղտոր ջրում փորձում է ձուկ բռնել, իսկ Էրդողանը դրա մեծ մասնագետն է

Սկսենք մեր հարևան Թուրքիայից, որը փորձում է աշխարհաքաղաքական հարթակներում ստեղծված խառնաշփոթ իրավիճակում մաքսիմալ պրեֆերենցիաներ ձեռք բերել կամ ինչպես ընդհունված է ասել՝ պղտոր ջրում ձուկ բռնել: Դե, Էրդողանը դրա մեծ մասնագետն է: Փորձում է ինքն իր գլխից ավելի բարձր թռչել… Հիմա նա ՆԱՏՕ-ում իր վետոյի իրավունքն օգտագործում, որպեսզի պայմաններ թելադրի Հյուսիսատլանտյան դաշինքի մյուս անդամներին՝ առաջին հերթին Միացյալ նահանգներին, Շվեդիայի ու Ֆինլանդիայի անդամակցելու իրավունքը հնարավորինս թանկ վաճառելու համար: