Тутлă апат-çимĕçпе сăйлаççĕ

Республикăра кĕçĕн класс ачисене вĕри апатпа тивĕçтересси пĕр кăлтăксăр йĕркеленет. Ачасене паха та техĕмлĕ, тутлă апат-çимĕçпе сăйлаççĕ. Çĕрпӳ районĕнчи Опытный посолекĕнчи шкул ку енпе Раççей шайĕнчи иртнĕ конкурсра палăрнă. «Ял тăрăхĕнчи чи лайăх шкул столовăйĕ» номинацире мала тухнă вĕрентӳ учрежденинче пирĕн пултарулăх ушкăнĕ пулчĕ.