Çамрăксем вĕренме, канма, ĕçлеме пĕлеççĕ

Студентсем сесси вĕçлесенех çуллахи канăва тухăçлă та усăллă ирттерме тăрăшаççĕ. Пĕрисем вожатăй пулса лагере çул тытаççĕ, теприсем ĕç отрячĕсем çине пайланса хăйсене строительствăра, ял хуçалăхра, производствăра, медицина пулăшăвĕпе тивĕçтерес енĕпе тĕрĕслеççĕ. Çуллахи ĕç тапхăрне уçма çак кунсенче «Шупашкар Арена» пăр керменне 600 ытла каччăпа хĕр пухăнчĕ.