Нартыхъæуы бындурон цалцæджы фæстæ байгом сывæллæтты рæвдауæндон
Афтæ, хъæлдзæгæй, кæфтытæ æмæ зарджытимæ æмбæлынц чысыл уазджытыл. Мадзал байгом кæныны фæстæ сабитæн сарæзтой цымыдисаг балц. Ногдзинæдтæй æххæст агъуыстытæ — ног у хъазæнтæ, конструктортæ æмæ æндæр æмбæлгæ уавæртæ. Сывæллæтты уайтагъд сцымыдис кодтой. Объект арæзт æрцыд 1963-æм азы, уæдæй нырмæ бындуронæй цалцæггонд никуы уыд. Ахуыргæнæндоны кусджытæ æмæ сабиты ныййарджытæ сæхи тыхтæй зылдысты бæстыхаймæ. Рацарæзты хъуыддаджы баххуыс кодтой бынæттон цæрджытæ дæр, æрæмбырд кодтой 500 мин соммæ ввахс. Схорзæх сæ кодтой кады гæххæттытæй. Рæвдауæндон Нартыхъæуы у иунæг. Ацы цаумæ рагæй æнхъæлмæ кастысты. Специалисттæ куыстой æнæрлæуугæйæ. Уымæ гæсгæ объект эксплуатацийы радтой нысангонд æмгъуыдæй раздæр. Уæрæх ахизæнтæ, агъуыстытæ, хæрæнон — сывæллæттæн сарæзтой æппæт уавæртæ дæр. Абон сабитæн рауад æцæг бæрæгбон. Уæвгæ, ныййарджытæ дæр къаддæр нæ цин кæнынц. Раздæр сæ кæстæрты хъуыд æндæр рæвдауæндæттæм ласын. Ныр зиндзинæдтæ нал æййафдзысты. Æппæт ныййарджыты номæй дæр мæ фæнды бузныг зæгъын хъæууон хæдзарады министрадæн, Æрыдоны районы администрацийæн, куыстытæ æххæстгæнджытæн. Уыимæ, кæй зæгъын æй хъæуы, бынæттон администрацийæн. Сывæллæттæн нын ахæм уавæртæ кæй сарæзтой , уый тыххæй. Сывæллæтты рæвдауæндон сцалцæг кодтой национ проект "Ахуырад"-ы паддзахадон программæмæ гæсгæ. Æдæппæтæй дзы архайдзысты дыууæ къорды, бынат дзы ис 40 сабийæн.
Афтæ, хъæлдзæгæй, кæфтытæ æмæ зарджытимæ æмбæлынц чысыл уазджытыл. Мадзал байгом кæныны фæстæ сабитæн сарæзтой цымыдисаг балц. Ногдзинæдтæй æххæст агъуыстытæ — ног у хъазæнтæ, конструктортæ æмæ æндæр æмбæлгæ уавæртæ. Сывæллæтты уайтагъд сцымыдис кодтой. Объект арæзт æрцыд 1963-æм азы, уæдæй нырмæ бындуронæй цалцæггонд никуы уыд. Ахуыргæнæндоны кусджытæ æмæ сабиты ныййарджытæ сæхи тыхтæй зылдысты бæстыхаймæ. Рацарæзты хъуыддаджы баххуыс кодтой бынæттон цæрджытæ дæр, æрæмбырд кодтой 500 мин соммæ ввахс. Схорзæх сæ кодтой кады гæххæттытæй. Рæвдауæндон Нартыхъæуы у иунæг. Ацы цаумæ рагæй æнхъæлмæ кастысты. Специалисттæ куыстой æнæрлæуугæйæ. Уымæ гæсгæ объект эксплуатацийы радтой нысангонд æмгъуыдæй раздæр. Уæрæх ахизæнтæ, агъуыстытæ, хæрæнон — сывæллæттæн сарæзтой æппæт уавæртæ дæр. Абон сабитæн рауад æцæг бæрæгбон. Уæвгæ, ныййарджытæ дæр къаддæр нæ цин кæнынц. Раздæр сæ кæстæрты хъуыд æндæр рæвдауæндæттæм ласын. Ныр зиндзинæдтæ нал æййафдзысты. Æппæт ныййарджыты номæй дæр мæ фæнды бузныг зæгъын хъæууон хæдзарады министрадæн, Æрыдоны районы администрацийæн, куыстытæ æххæстгæнджытæн. Уыимæ, кæй зæгъын æй хъæуы, бынæттон администрацийæн. Сывæллæттæн нын ахæм уавæртæ кæй сарæзтой , уый тыххæй. Сывæллæтты рæвдауæндон сцалцæг кодтой национ проект "Ахуырад"-ы паддзахадон программæмæ гæсгæ. Æдæппæтæй дзы архайдзысты дыууæ къорды, бынат дзы ис 40 сабийæн.