ԱՊՊԱ-ների հետ կապված օրենսդրական փոփոխությունը տրամաբանական չէ

«Ավենյու քնսալթինգ գրուպ» խորհրդատվական կազմակերպության իրավաբանական բաժնի ղեկավար, փաստաբան Մանուշ Եսայանը Sputnik Արմենիայի հետ զրույցում անդրադարձել է ԱԺ իշխող «Քաղաքացիական պայմանագիր» խմբակցության պատգամավորների ԱՊՊԱ-ի մասին օրենսդրական նախագծին, որն առնչվում է ԱՊՊԱ պայմանագիր չունեցող վարորդների նկատմամբ վարչական պատասխանատվությունը մեղմացնելուն։ Նրա կարծիքով` ՀՀ–ում տուգանքի մեծ կամ փոքր չափը չի ազդում քաղաքացու վարքագծի վրա, մանավանդ, երբ կա տուգանքը նվազեցնելու հնարավորություն։ Նրա խոսքով` Հայաստանում տուգանքներն անհամաչափ են` կախված զանցանքից, իրավախախտման տեսակից և միայն այս մասով կարելի է համաձայնել պատգամավորների հետ։