Ăшăпа тивĕçтермелли тапхăр вĕçленчĕ

Çуркунне. Ăшă кунсем вăй илсе пыраççĕ, çавна май хутса ăшăтмалли тапхăр та вĕçленет. Шупашкарти çуртсене паянтан ăшăпа тивĕçтерме пăрахаççĕ. Кĕçех ăшă пăрăхĕсене юсама, сивĕ кунсем валли хатĕрлеме пуçлĕç. Палăртса хăвармалла, çу уйăхĕн 11-мĕшĕнчен, вĕри шыв чарма пуçлĕç, ăшă пăрăхĕсене тасатма тытăнĕç. Вĕри шыва кашни районтах тапхăрăн-тапхăрăн чарĕç. Ĕçсем ирттерме палăртнă кунсем пирки çуртсенче пурăнакансене пĕлтерĕç. Пĕтĕмĕшле ăшăпа тивĕçтерекен тĕп тытăмпа усă куракан 1800 çуртра ĕçсем ирттерĕç. Авăн уйăхĕччен 50-а яхăн котельнăй хутса ăшăтмалли çĕнĕ тапхăра хатĕрлесе çитермелле, 400 çухрăма яхăн пăрăх вĕртерсе тасатмалла, 22 çухрăм ăшă пăрăхне, 34 çухрăм шыв пăрăхне тĕпрен юсаса çĕнетмелле