Дзæуджыхъæуы бæстыхæйттæ аразынц æрмæджытæ уадзæг комбинаты уадзынц полистирбетонæй конд къултæ
6 азмæ комбинаты уадзынц алыхуызон æфсæнбетон конструкцитæ. Цæджындзтæ, ригельтæ, асинты хæйттæ æмæ æндæртæ. Æрæджы та ма райдыдтой полистеролбетон кæй хонынц, уыцы æрмæгæй къултæ цæттæ кæнын. Иннæтæй сты фондз хатты рогдæр. Сæ фидардзинад дæр у бæрзонд, уромынц хъарм æмæ уынæр. Пайда кæнæн дæр сæ у бирæ æнцондæр, ахæм æрмæгимæ хæдзар самайынæн бахъæуы къаддæр рæстæг. Архайд райдайы бетон змæнтынæй. Ныккæнынц дзы полистирол лыстæг мурæй, дон æмæ æндæр хъацæнтæ. Фыццаджыдæр формæтæй спайда кæнгæйæ аразынц блоктæ. Алкæцы дæр фæхуынкъ кæнынц æмæ сæ дарддæр баиу кæнынц, бафтауынц сæм уæззау бетон. Бæстыхай аразгæйæ, ахæм къултæ ма фæхъæуы æрмæст æрæмбырд кæнын, байсæрдын æмæ сахорын. Алы 'рдыгæй вæййынц цæттæ. Полистиролбетонæй къултæ аразыны автоматизацигонд лини самал кодтой республикæйы промышленносты райрæзты фонды æххуысæй. Ифтонггарзыл архайдта куыстуаты раззагдæр конструктор. Проектон хъомыс - панельты 150 квадратон метры 8 сахатмæ. Æрвылбон ам кусы 130 адæймаджы онг. Фæллой кæнынц цалдæр цехы. Эскизтæ та сты, уæлдæр ахуыргæнæндæттæ æрæджы каст чи фæцис, ахæм æрыгон специалистты бæрны. Куыстуаты сæйрагдæр нысантæй иу у æрыгон кусджыты цæттæ кæнын. Ныридæгæн заводы территорийыл аразынц хицæн цех, уадздзысты дзы бордюртæ æмæ плиткæ. Фидæны ма фæнд кæнынц кусджыты нымæц фæфылдæр кæнын.
6 азмæ комбинаты уадзынц алыхуызон æфсæнбетон конструкцитæ. Цæджындзтæ, ригельтæ, асинты хæйттæ æмæ æндæртæ. Æрæджы та ма райдыдтой полистеролбетон кæй хонынц, уыцы æрмæгæй къултæ цæттæ кæнын. Иннæтæй сты фондз хатты рогдæр. Сæ фидардзинад дæр у бæрзонд, уромынц хъарм æмæ уынæр. Пайда кæнæн дæр сæ у бирæ æнцондæр, ахæм æрмæгимæ хæдзар самайынæн бахъæуы къаддæр рæстæг. Архайд райдайы бетон змæнтынæй. Ныккæнынц дзы полистирол лыстæг мурæй, дон æмæ æндæр хъацæнтæ. Фыццаджыдæр формæтæй спайда кæнгæйæ аразынц блоктæ. Алкæцы дæр фæхуынкъ кæнынц æмæ сæ дарддæр баиу кæнынц, бафтауынц сæм уæззау бетон. Бæстыхай аразгæйæ, ахæм къултæ ма фæхъæуы æрмæст æрæмбырд кæнын, байсæрдын æмæ сахорын. Алы 'рдыгæй вæййынц цæттæ. Полистиролбетонæй къултæ аразыны автоматизацигонд лини самал кодтой республикæйы промышленносты райрæзты фонды æххуысæй. Ифтонггарзыл архайдта куыстуаты раззагдæр конструктор. Проектон хъомыс - панельты 150 квадратон метры 8 сахатмæ. Æрвылбон ам кусы 130 адæймаджы онг. Фæллой кæнынц цалдæр цехы. Эскизтæ та сты, уæлдæр ахуыргæнæндæттæ æрæджы каст чи фæцис, ахæм æрыгон специалистты бæрны. Куыстуаты сæйрагдæр нысантæй иу у æрыгон кусджыты цæттæ кæнын. Ныридæгæн заводы территорийыл аразынц хицæн цех, уадздзысты дзы бордюртæ æмæ плиткæ. Фидæны ма фæнд кæнынц кусджыты нымæц фæфылдæр кæнын.