«Աջափնյակ» կայարանի նախագծային աշխատանքները սկսվել են. Երևանի մետրոպոլիտենի տնօրեն

Երևանի մետրոպոլիտենն իր գործունեությունը սկսեց 1981թ․ մարտի 7-ին։ 41 տարի անց մետրոյում եղած փոփոխությունների, սպասվող զարգացումների մասին Sputnik Արմենիայի եթերում խոսել է Երևանի մետրոպոլիտենի տնօրենի ժամանակավոր պաշտոնակատար Գևորգ Ավետիսյանը։ Նրա խոսքով՝ 41 տարվա ընթացքում շատ սարք-սարքավորումներ բարոյապես մաշվել են` շարժակազմերը, գծային տնտեսությունը և այլն, լուրջ անելիքներ կան, բայց դրանցից մետրոպոլիտենի անձնակազմը չի խուսափում։ «Մետրոպոլիտենն այն ստորգետնյա «քաղաքն» է, որտեղ միշտ անելիք կա»,-ասում է Ավետիսյանը։ Ինչ վերաբերում է «Աջափնյակ» կայարանին, ապա նախագծային աշխատանքներն արդեն սկսվել են։