Дзæуджыхъæуы кæронмæ архæццæ нырыккон аивады Æппæтадæмон фестиваль
Дзæуджыхъæуы историйы музейы, æвæццæгæн ацы экспозици æппæты æнахуыр у. Йæ автор Даниил Акимов. Бавдæлд æмæ сарæзта "шумовая карта города" кæй хонынц, ахæм куыст. Сахатгай иу тезгъо кодта горæты уынгтыл æмæ сын иртæста сæ уынæр. Куыд сбæрæг, афтæмæй нæ горæты алы районæн дæр ис йæхи хъæлæба. Йæ хъуыды нывгæнæг сæххæст кодта 2012 азы. Ныр та адæмы размæ рахаста экспозицийы ног хуыз. Екатеренбургæй нывгæнæг Илья Мозги йæхицæн равзæрста æндæр фæндаг. Дзæуджыхъæуы фæлгонц ныффыста йæ цæрджыты ныхæстæм гæсгæ. Ахуыргæнджытæ, дохтыртæ, студенттæ, журналисттæ, музыканттæ, алчидæр дзы горæт бавдыста хи хъуыдымæ гæсгæ. Иутæ нывгæнæгæн радзырдтой цæуыл мæт кæнынц, иннæтæ та йæ хъæздыг историйы тыххæй. Йæ хъуыдытæ Илья ныммыхуыр кодта журнал "Своими словами.Владикавказ"-ы. Проектыл куыста 2 мæйы. Æмæ йын кæд ацы фæлварæн фыццаг уыд, уæддæр йæ архайдæй разыйæ баззад. Дыууæ нывгæнæджы дæр сæ куыстытæ равдыстой 17-æм Æппæтадæмон фестиваль "Аланика"-йы. У нæ дунейы хуссары нырыккон аивады æппæты вазыгджындæр æмæ диссагдæр проект. Ацы аз дзы уыд 10 архайæджы. Сæ проекттæ арæзтой Цæгат Кавказы 8 музейы. "Аланика"-йы бындурыл ма арæзт æрцыд ног проект "Искусство нашего времени", зæгъгæ. Сси грантон конкурсы уæлахиздзау. Йæ нысан у фæсивæд базонгæ кæнын Цæгат Кавказы федералон зылды историимæ. Фестиваль сарæзтой культурæйæн æххуысы фонд "Аланика" æмæ Пушкины номыл аивæдты Паддзахадон музейы Цæгат Кавказы филиал.
Дзæуджыхъæуы историйы музейы, æвæццæгæн ацы экспозици æппæты æнахуыр у. Йæ автор Даниил Акимов. Бавдæлд æмæ сарæзта "шумовая карта города" кæй хонынц, ахæм куыст. Сахатгай иу тезгъо кодта горæты уынгтыл æмæ сын иртæста сæ уынæр. Куыд сбæрæг, афтæмæй нæ горæты алы районæн дæр ис йæхи хъæлæба. Йæ хъуыды нывгæнæг сæххæст кодта 2012 азы. Ныр та адæмы размæ рахаста экспозицийы ног хуыз. Екатеренбургæй нывгæнæг Илья Мозги йæхицæн равзæрста æндæр фæндаг. Дзæуджыхъæуы фæлгонц ныффыста йæ цæрджыты ныхæстæм гæсгæ. Ахуыргæнджытæ, дохтыртæ, студенттæ, журналисттæ, музыканттæ, алчидæр дзы горæт бавдыста хи хъуыдымæ гæсгæ. Иутæ нывгæнæгæн радзырдтой цæуыл мæт кæнынц, иннæтæ та йæ хъæздыг историйы тыххæй. Йæ хъуыдытæ Илья ныммыхуыр кодта журнал "Своими словами.Владикавказ"-ы. Проектыл куыста 2 мæйы. Æмæ йын кæд ацы фæлварæн фыццаг уыд, уæддæр йæ архайдæй разыйæ баззад. Дыууæ нывгæнæджы дæр сæ куыстытæ равдыстой 17-æм Æппæтадæмон фестиваль "Аланика"-йы. У нæ дунейы хуссары нырыккон аивады æппæты вазыгджындæр æмæ диссагдæр проект. Ацы аз дзы уыд 10 архайæджы. Сæ проекттæ арæзтой Цæгат Кавказы 8 музейы. "Аланика"-йы бындурыл ма арæзт æрцыд ног проект "Искусство нашего времени", зæгъгæ. Сси грантон конкурсы уæлахиздзау. Йæ нысан у фæсивæд базонгæ кæнын Цæгат Кавказы федералон зылды историимæ. Фестиваль сарæзтой культурæйæн æххуысы фонд "Аланика" æмæ Пушкины номыл аивæдты Паддзахадон музейы Цæгат Кавказы филиал.