«Հայ եկեղեցու պատմություն» առարկան մեզ մոտեցնում է մեր ինքնությանը, ինչո՞ւ են փորձում հանել

Հայոց եկեղեցու պատմությունն առանձին չդասավանդելը և «Հայոց պատմություն» առարկայի հետ միավորելն անհեռատես որոշում է, որին եկեղեցին խիստ դեմ է։ «Աբովյան Time»–ի եթերում այս մասին ասաց Հայ առաքելական եկեղեցու Մասյացոտն թեմի առաջնորդ Տ. Գևորգ եպիսկոպոս Սարոյանը` անդրադառնալով ԿԳՄՍ համապատասխան որոշմանը։ «Այդ կառույցի պատմության ուսումնասիրությունը մեզ ավելի է մոտեցնում մեր հայրենիքին, մեր հայրենասիրությունն ավելի է ուժեղացնում։ Եկեղեցին նաև այսօր է շարունակում իր ազգապահպան առաքելությունը, և ոչ միայն Հայաստանում, այլ նաև սփյուռքում»,–ասում է սրբազանը։ Հարցազրույցի ընթացքում եպիսկոպոսն անդրադարձել է ինչպես «Եկեղեցու պատմություն» առարկայի կարևորությանը, այնպես էլ ՀՀ–ում աղանդավորական շարժումների ակտիվության ու վտանգներին, եկեղեցի–պետության համագործակցությանը, եկեղեցու կողմից հղիության արհեստական ընդհատումները չընդունելուն և այլ հարցերի։