Сĕчĕ пĕр, хакĕ расна

Çулла çитсен ял халăхне канăçсăрлантаракан ыйту нумайланать. Пĕлтерĕшлисенчен пĕри — сĕт хакĕ. Вăл нумай чухне палăрмаллах чакать. Ку эрнере 1 литр сĕтшĕн чи сахал укçа тӳлени Пăрачкав районĕнче пулнă, 20 тенкĕ. Чи пысăкки вара — Элĕк районĕнче. Кунти пĕр усламçă сĕте 28 тенкĕпе пухнă. Ыйту нумай. Вĕсене уçăмлатма Чăваш Республикин ял хуçалăх министрне Сергей Артамонова студие чĕнтĕмĕр.