Лагкуты Владимир сси республикæйы минæвар Уæрæсейы Æхсæнадон палатæйы

Нациты 'хсæн ахастдзинæдты æхсæнадон змæлд "Наша Осетия"-йы сæрдар Лагкуты Владимир сси республикæйы минæвар Уæрæсейы Æхсæнадон палатæйы. Йæ кандидатурæ йын сфидар кодтой пленарон æмбырды. Бæстæйы сæйраг консультативон-уынаффæгæнæн оргæны ног, 9-æм æмбырд арæзт цæуы Владимир Путины хъæппæрисæй. Йæ хыгъды уыдзæн 172 адæймаджы. Регионты æхсæнадон палатæты уæнгтæ, æнæкоммерцион организациты минæвæрттæ, цæрджытæ. Номхыгъд фидаргонд æрцæудзæн бæстæйы Президенты Указмæ гæсгæ.