Центр "Мой бизнес"-ы уыд ахуырадон семинар амалхъом адæмæн

Цы хонæм регионалон брендтæ, цавæртæ вæййынц æмæ сæ регистраци кæнын цæмæ хъæуы. Центр "Мой бизнес"-ы амалхъом адæмæн сарæзтой семинар. Спикертæ уыдысты Роспатенты æмæ Промышленнон исбонады федералон институты специалисттæ. Ахæм фембæлдтытæ сын уыдзæн æгас бæстæйы. Цæгат Ирыстоны æмбырд фыццаг хатт ацыд. Архайджытæм разынд дæсгай фæрстытæ. Æрдзырдтой интеллектуалон исбонады объектты райрæзты гæнæнтыл æмæ æндæр ахсджиаг хъуыддæгтыл. Уыимæ ма эксперттимæ сæ дæнцæгтыл равзæрстой сæ рæдыдтытæ. Фембæлд расидтысты национ проект "Эффективная и конкурентная экономика"-йы фæлгæты.