Цæгат Ирыстоны дарддæр цæуы цæрджыты диспансеризаци
Пациенты ныхæстæм байхъусын, низы ахоссæгтæ раиртасын æмæ йæ арвитын лабораторон иртæстытæ скæнынмæ. Диспансеризацийы алы къæпхæн дæр у ахсджиаг. Куыдфæндыйы цæстæй кæсæн сæм нæй. Æппынæдзух хъæуы дохтырты æркаст цæуын. 40 азæй фылдæр кæуыл цæуы, уыдоны афæдз иу хатт, 18 азæй хистæрты та - æртæ азмæ иу хатт. Уый тыххæй цæрджытæн рагацау фехъусын кæнынц, фæсидынц сæм медицинон кусæндæттæм. Ноггонд бæстыхайы та æнæниздзинад сбæрæг кæнын ноджы æхсызгондæр у. Æртæ азы размæ рынчындон бындуронæй сцалцæг кодтой. Фæзынд дзы ног ифтонггæрзтæ. Архонкæйы станицæйы рынчындон лæггад кæны Горæтгæрон районы Галиуварс хайæн. Бынæттонтæй уæлдай, Ногиры, Джызæлы, Дæргъæвсы, Хъобаны æмæ Хохы Санибайы цæрджытæн. Æдæппæтæй 35 мин адæймагæн. Афæдзы райдианæй диспансеризаци ацыдысты 850-йæ. Дохтырты æркасты рæстæг пациент базоны туджы сæкæры æмвæзад, скæны флюорографи, УЗИ, ЭКГ æмæ бирæ æндæр процедурæтæ. Мæй иу хатт ма рынчындонмæ æрцæуы бынативгæ маммограф. Низ куы раиртасынц, уæд скæнынц уæлæмхасæн анализтæ. Дарддæр та дзæбæхгæнæн мадзæлттæ. Бекмæрзты Фатимæ йе 'нæниздзинад бæрæг кæны æппынæдзух, цæуы профилактикон æркаст. Ацы аз радта биохимион иртæстытæ, скодта флюорографи æмæ зæрдæйы кардиограммæ. Æмткæй республикæйы афæдзы райдианæй диспансеризаци скодтой 68 мин адæймагæй фылдæр. Медицинон лæггæдтæ иууылдæр сты лæвар. Хъæуы æрмæст паспорт æмæ медицинон фæдзæхстады полис. Национ проект "Дæргъвæтин æмæ активон цард"-мæ гæсгæ цæрджытæн арæзт цæуынц æппæт уавæртæ дæр.
Пациенты ныхæстæм байхъусын, низы ахоссæгтæ раиртасын æмæ йæ арвитын лабораторон иртæстытæ скæнынмæ. Диспансеризацийы алы къæпхæн дæр у ахсджиаг. Куыдфæндыйы цæстæй кæсæн сæм нæй. Æппынæдзух хъæуы дохтырты æркаст цæуын. 40 азæй фылдæр кæуыл цæуы, уыдоны афæдз иу хатт, 18 азæй хистæрты та - æртæ азмæ иу хатт. Уый тыххæй цæрджытæн рагацау фехъусын кæнынц, фæсидынц сæм медицинон кусæндæттæм. Ноггонд бæстыхайы та æнæниздзинад сбæрæг кæнын ноджы æхсызгондæр у. Æртæ азы размæ рынчындон бындуронæй сцалцæг кодтой. Фæзынд дзы ног ифтонггæрзтæ. Архонкæйы станицæйы рынчындон лæггад кæны Горæтгæрон районы Галиуварс хайæн. Бынæттонтæй уæлдай, Ногиры, Джызæлы, Дæргъæвсы, Хъобаны æмæ Хохы Санибайы цæрджытæн. Æдæппæтæй 35 мин адæймагæн. Афæдзы райдианæй диспансеризаци ацыдысты 850-йæ. Дохтырты æркасты рæстæг пациент базоны туджы сæкæры æмвæзад, скæны флюорографи, УЗИ, ЭКГ æмæ бирæ æндæр процедурæтæ. Мæй иу хатт ма рынчындонмæ æрцæуы бынативгæ маммограф. Низ куы раиртасынц, уæд скæнынц уæлæмхасæн анализтæ. Дарддæр та дзæбæхгæнæн мадзæлттæ. Бекмæрзты Фатимæ йе 'нæниздзинад бæрæг кæны æппынæдзух, цæуы профилактикон æркаст. Ацы аз радта биохимион иртæстытæ, скодта флюорографи æмæ зæрдæйы кардиограммæ. Æмткæй республикæйы афæдзы райдианæй диспансеризаци скодтой 68 мин адæймагæй фылдæр. Медицинон лæггæдтæ иууылдæр сты лæвар. Хъæуы æрмæст паспорт æмæ медицинон фæдзæхстады полис. Национ проект "Дæргъвæтин æмæ активон цард"-мæ гæсгæ цæрджытæн арæзт цæуынц æппæт уавæртæ дæр.